南記飯店 (Closed)

媽媽生日，由於疫情關係，原定想食嘅酒樓要求接種疫苗嘅人數有限制，所以要轉移陣地。好彩家人食開南記，打個電話就訂到位。而且仲訂到閣樓，一家人霸哂成個閣樓呢！屋企人一早就訂埋個十二人餐，另外嚟到先再加多幾個餸，整體令人最回味嘅係隻雞，夠入味之餘肉質又夠哂滑。而最接受唔到嘅係嗰碟苦瓜，基本上每人食咗一啖就放咗喺度，就算我平時超鍾意食苦瓜都唔係好接受到酸梅+苦瓜嘅味道。蠔餅都唔錯，蠔嘅份量都算多，而且仲幾香脆，其實嘅嘢食就好一般，如果超鍾意食雞嘅人可以嚟試，否則自己諗吓值唔值呢個價。