Video
Read full review
2020-11-14
3876 views
疫情下搵食都要小心d，朋友想食韓燒，但又怕放題危險，最終揀左呢間石燒肉餐廳。餐廳喺地庫，行一層樓梯到門口，先探熱再入去。一入到去無油煙味，抽風應該幾好（不過其實去到無人hahahaha)。Menu上既石燒肉有平有貴，款式數量都ok，有雞有牛有豬有魚有羊，唔食燒肉都重有石鍋飯或小食食。最尾我地叫左兩份豬腩（實在太吸引，好食就下次先食其他款啦）、一份年糕、一份炸雞及2人自助吧 （#宜家做緊小食及自助吧買一送一，當然加加佢）。等野食中途出去睇自助區野食，款色唔多，主要用黎配燒肉食。熱食有白飯、蒜蓉意粉（比較油）及青紅蘿蔔湯；冷盤有沙律（一盒盒裝住，幾衛生；飲品有氣水同埋酒（真露。。。）；零食類（係係有零食類）出有爆谷，我就無試了。野食都好快黎，賣相好好。豬腩肉肥廋都分明，燒起有油香，食落唔會乾，好食；$118另外，每枱都有一樽岩鹽及黑椒做調味及每碟豬腩有配乾蒜及生洋蔥，配住食好味。（鹽好食d，建議加鹽）炸雞4件 28蚊，係中式炸雞，出奇地比韓式炸雞嫩，但普通左d。年糕有驚喜，用細鐵兜上，拉到芝士，韓式辣醬夠味，年糕偏硬（但我喜硬食都係ok)。$28結論，呢間衛生、服務（石板唔夠熱可叫服務員更
餐廳喺地庫，行一層樓梯到門口，先探熱再入去。一入到去無油煙味，抽風應該幾好（不過其實去到無人hahahaha)。Menu上既石燒肉有平有貴，款式數量都ok，有雞有牛有豬有魚有羊，唔食燒肉都重有石鍋飯或小食食。
最尾我地叫左兩份豬腩（實在太吸引，好食就下次先食其他款啦）、一份年糕、一份炸雞及2人自助吧 （#宜家做緊小食及自助吧買一送一，當然加加佢）。
等野食中途出去睇自助區野食，款色唔多，主要用黎配燒肉食。熱食有白飯、蒜蓉意粉（比較油）及青紅蘿蔔湯；冷盤有沙律（一盒盒裝住，幾衛生；飲品有氣水同埋酒（真露。。。）；零食類（係係有零食類）出有爆谷，我就無試了。
野食都好快黎，賣相好好。豬腩肉肥廋都分明，燒起有油香，食落唔會乾，好食；
$118
另外，每枱都有一樽岩鹽及黑椒做調味及每碟豬腩有配乾蒜及生洋蔥，配住食好味。（鹽好食d，建議加鹽）炸雞4件 28蚊，係中式炸雞，出奇地比韓式炸雞嫩，但普通左d。年糕有驚喜，用細鐵兜上，拉到芝士，韓式辣醬夠味，年糕偏硬（但我喜硬食都係ok)。
$28
結論，呢間衛生、服務（石板唔夠熱可叫服務員更換，快手）及食物都有質素，唔會話俾呢個價錢但食到係咁話唔抵，所以值得食。
Post
