Video
Read full review
2005-02-15
2 views
今日係情人節周圍都只有情人節大餐兩個人o係中環食飯朋友仔未去過森巴食於是走左去試去到發現都有小家庭去啦氣氛唔錯每檯有candle light一坐底送上新鮮出爐芝士波波芝士味較尖沙咀出品為少但一樣熱辣辣皮脆味道唔錯但如果芝士味可以再多d會更perfect頭盤有4個:1)迷你甜椒釀蟹肉沙律伴輕煎帶子青芥末汁:個汁調得好好,好香唔會太辣,唔會搶左帶子既鮮味,帶子煎至半熟,唔un個面又脆脆地,好好食;而蟹肉沙津食到係真正蟹肉做,配上清甜既甜椒好夾,好味道,成為我今晚至愛既食物之一2)香煎多寶魚柳伴露荀番茄莎莎意大利黑醋汁:魚柳煎至面脆,肉質好滑,黑醋汁亦不錯3)黑魚子三文魚他他玫瑰伴青檸蜜糖汁:煙三文魚燻得剛好,好食,亦係今晚心水食物之一4)香煎法國鵝肝伴紅酒朱古力汁:鵝肝煎至面脆,雖然知道鵝肝係會偏油,但明顯今次係用左過多油去煎,比起上次係尖沙咀食o個次差,幸好味調得不錯,而且配上新鮮蘋果粒減去左肥膩感,都ok既湯:新奧爾良甜薯蟹肉忌廉湯:無乜蟹肉,味道ok主菜有2個:1)香草白酒龍蝦撻:本來以為係d類似蛋撻咁,上面舖上龍蝦肉既食物,但上檯時發覺原來係兩塊酥皮間夾住龍蝦肉,有d失望,幸好啖啖
周圍都只有情人節大餐
兩個人o係中環食飯
朋友仔未去過森巴食
於是走左去試
去到發現都有小家庭去啦
氣氛唔錯
每檯有candle light
一坐底送上新鮮出爐芝士波波
芝士味較尖沙咀出品為少
但一樣熱辣辣皮脆
味道唔錯
但如果芝士味可以再多d會更perfect
頭盤有4個:
1)迷你甜椒釀蟹肉沙律伴輕煎帶子青芥末汁:個汁調得好好,好香唔會太辣,唔會搶左帶子既鮮味,帶子煎至半熟,唔un個面又脆脆地,好好食;而蟹肉沙津食到係真正蟹肉做,配上清甜既甜椒好夾,好味道,成為我今晚至愛既食物之一
2)香煎多寶魚柳伴露荀番茄莎莎意大利黑醋汁:魚柳煎至面脆,肉質好滑,黑醋汁亦不錯
3)黑魚子三文魚他他玫瑰伴青檸蜜糖汁:煙三文魚燻得剛好,好食,亦係今晚心水食物之一
4)香煎法國鵝肝伴紅酒朱古力汁:鵝肝煎至面脆,雖然知道鵝肝係會偏油,但明顯今次係用左過多油去煎,比起上次係尖沙咀食o個次差,幸好味調得不錯,而且配上新鮮蘋果粒減去左肥膩感,都ok既
湯:新奧爾良甜薯蟹肉忌廉湯:無乜蟹肉,味道ok
主菜有2個:
1)香草白酒龍蝦撻:本來以為係d類似蛋撻咁,上面舖上龍蝦肉既食物,但上檯時發覺原來係兩塊酥皮間夾住龍蝦肉,有d失望,幸好啖啖彈牙龍蝦肉,而個龍蝦汁亦夠味,不錯
2)法國鴨胸釀黑松露菌醬:鴨胸肉唔un,點左汁幾好食,但味道上黑松露菌醬更好味,主角變左配角,配角變成主角
甜品有4樣:
1)牛奶慕絲:唔特別,但味道偏甜
2)tiramisu:太重咖啡同酒味,而且芝士份量太少
3)朱古力蛋糕:朱古力味不足
4)new york cheese cake:芝士味足,加上脆餅底,係較好既dessert
每位298加一
食完仲每位女士送左支紅玫瑰呢!
Post