Video
Read full review
2019-04-27
47 views
今日自己一個人，享受孤獨嘅寧靜。成日經過呢間金田家，但又未食過，今日一於試下。因為下午茶時間，唔多人，一個人都可以霸張四人枱。環境怖置我覺得幾舒服，好warm嘅感覺。落完單佢會送個餐前小食俾你，係啲奄製本菇金針菇蘿蔔腐皮，夾埋佢個咸咸地嘅汁幾好食。我除左嗌左碗麵，仲叫左個小食拼盤，其實我嘅主要目標係佢嘅溏心蛋，就咁一隻蛋要14蚊，但拼盤有肩肉有粟米同紫菜都係48蚊，好似好抵咁，於是就嗌埋嚟試下。佢圖片嘅肩肉乾身啲，睇落似燒嘅，但實物試到嚟就比較濕，似滷水，都腍身但唔太咸。而粟米係普通罐頭粟米咁啦，冇乜特別，而個紫菜我唔知係佢本身林定擺太耐林左，因為佢出麵好慢好慢....重點嘅溏心蛋有相你睇真係流心嘅，但咸左小小，蛋芯都唔夠甜，但合格嘅。再加12蚊又有杯特飲，我揀左士多啤梨梳打，有啲似忌廉溝鮮奶但加左士多啤梨味藥水，但又唔係難飲嘅，ok嘅。等左15分鐘，我叫嘅雞湯豬骨湯麵終於上場。因為我走左蔥，令到佢白瀨瀨咁，再加埋佢啲泡，其實賣相好一般。佢呢款麵用嘅係曲麵，比較粗身，揀左普通麵質但我覺得麵有啲硬。而個湯唔會好油膩，但卻愈食愈咸。腩肉都係好軟腍，肥瘦適中，只係都係偏咸，我覺得連平時將話梅
環境怖置我覺得幾舒服，好warm嘅感覺。落完單佢會送個餐前小食俾你，係啲奄製本菇金針菇蘿蔔腐皮，夾埋佢個咸咸地嘅汁幾好食。
我除左嗌左碗麵，仲叫左個小食拼盤，其實我嘅主要目標係佢嘅溏心蛋，就咁一隻蛋要14蚊，但拼盤有肩肉有粟米同紫菜都係48蚊，好似好抵咁，於是就嗌埋嚟試下。
佢圖片嘅肩肉乾身啲，睇落似燒嘅，但實物試到嚟就比較濕，似滷水，都腍身但唔太咸。
而粟米係普通罐頭粟米咁啦，冇乜特別，而個紫菜我唔知係佢本身林定擺太耐林左，因為佢出麵好慢好慢....重點嘅溏心蛋有相你睇真係流心嘅，但咸左小小，蛋芯都唔夠甜，但合格嘅。
再加12蚊又有杯特飲，我揀左士多啤梨梳打，有啲似忌廉溝鮮奶但加左士多啤梨味藥水，但又唔係難飲嘅，ok嘅。
等左15分鐘，我叫嘅雞湯豬骨湯麵終於上場。因為我走左蔥，令到佢白瀨瀨咁，再加埋佢啲泡，其實賣相好一般。
佢呢款麵用嘅係曲麵，比較粗身，揀左普通麵質但我覺得麵有啲硬。而個湯唔會好油膩，但卻愈食愈咸。腩肉都係好軟腍，肥瘦適中，只係都係偏咸，我覺得連平時將話梅當零食嘅我嚟講都覺得咸嘅話，對於啲食關清淡嘢嘅人嚟講應該都幾辛苦。
呢間舖頭令我欣賞嘅係佢放檯面嘅水係冰水嚟，感覺好日本🤣
我其實係3點嚟到，想搵間下午茶食下，但係原來星期六日係冇下午茶時段，全部按正價，拉麵嚟講佢係正常價位，我唯有當自己食左個好早嘅晚餐😂
Post
