聰嫂星級甜品 (Closed)

士多啤梨豆腐花賣相精緻 上枱有少許驚喜 原來除左粒真士多啤梨仲有士多啤梨冰 落單前都無為意成份甜品印象最深刻都係果份冰 幾有士多啤梨冰味 冰都唔會太硬身容易舀黎食 主角豆花反而遜色啲 可能因為被搶味 又或者凍食 又或者本身唔算滑 而且覺得冰同豆花唔算太friend 如果再叫我會想試士多啤梨椰果冰椰汁椰果西米露主打既榴蓮同芒果唔太岩所以叫左份傳統糖水 其實糖水愈普通愈難突出愈考功駕呢份西米露價錢唔算平 好在椰汁味算出無偷工減料 椰果量都收貨 size一碗仔勉強接受 如果價錢下調啲就好 不過見咁多客出出入入咁旺 可能係因為銅仔中式糖水選擇唔算多 坐到逼逼地價格貴貴地大家都超殺