Video
Read full review
2018-12-18
52 views
30串 (可選10款) $128 繼上次返大陸食到冷鍋串串 今次竟然係香港搵到間同類型 仲要有質素既麻辣串串 一定要同鍾意辣既朋友分享下首先科普下香港既朋友 根據上次人地介紹 呢種竹籤火鍋玩法分冷鍋熱鍋 冷鍋係事先整好唔上個爐 熱鍋就同一般火鍋一樣上爐上鍋自己落料 當然四川玩法自然唔少得麻辣湯 呢間既辣度無得揀 要形容辣度我覺得辣過譚仔小辣少少俾錢方式以竹籤數目計 呢間提供15串$78/30串$128兩種選擇 由於另有麵食小食 所以食幾多串睇大家想點玩因為只食過同類野兩次 只可以有限地比較 感覺上爆汗串串料幾足 三四十款當中揀左以下黎試娃娃菜 - 食得辣先好叫菜 因為幾吸辣油 適合辣點高既人 不過一串一小箸菜 唔夠喉豆卜 - 豆卜幾大舊 都幾索油 要預左咬落去係充滿辣度既果種juicy白蘿蔔 - 一串都兩舊 基本既蘿蔔juicy都有 不過size比較細無咁滿足土豆 - 即係薯仔 落得去辣湯都唔使旨意重薯味 不過相對無咁吸辣魔芋 - 以為係芋絲 食落似係闊版薯粉 好食 不過少牛肉 - 冷鍋串串我叫素多過叫肉 不過牛肉比我想像中好 韌度適中 唔算好細舊 幾好食千層肚 - 即是牛栢葉 同香
繼上次返大陸食到冷鍋串串 今次竟然係香港搵到間同類型 仲要有質素既麻辣串串 一定要同鍾意辣既朋友分享下
首先科普下香港既朋友 根據上次人地介紹 呢種竹籤火鍋玩法分冷鍋熱鍋 冷鍋係事先整好唔上個爐 熱鍋就同一般火鍋一樣上爐上鍋自己落料 當然四川玩法自然唔少得麻辣湯 呢間既辣度無得揀 要形容辣度我覺得辣過譚仔小辣少少
俾錢方式以竹籤數目計 呢間提供15串$78/30串$128兩種選擇 由於另有麵食小食 所以食幾多串睇大家想點玩
因為只食過同類野兩次 只可以有限地比較 感覺上爆汗串串料幾足 三四十款當中揀左以下黎試
娃娃菜 - 食得辣先好叫菜 因為幾吸辣油 適合辣點高既人 不過一串一小箸菜 唔夠喉
豆卜 - 豆卜幾大舊 都幾索油 要預左咬落去係充滿辣度既果種juicy
白蘿蔔 - 一串都兩舊 基本既蘿蔔juicy都有 不過size比較細無咁滿足
土豆 - 即係薯仔 落得去辣湯都唔使旨意重薯味 不過相對無咁吸辣
魔芋 - 以為係芋絲 食落似係闊版薯粉 好食 不過少
牛肉 - 冷鍋串串我叫素多過叫肉 不過牛肉比我想像中好 韌度適中 唔算好細舊 幾好食
千層肚 - 即是牛栢葉 同香港見開既分別 只在於係麻辣燙版
五花肉 - 比起牛肉稍為遜色 韌少少 不過幾大舊
牛根丸 - 細粒 一串得半粒 唔係咁抵
P.S. 跟串串上既小兜係俾你落麻油等醬料用 覺得太辣可以咁中和返 如果嫌唔夠辣就可以落辣椒碎
爆汗牛肉麵 $38
以店名命名既牛肉麵 麻辣串以外既其中一種麵類選擇 餐牌有手指公推介
我係加左兩蚊轉紅薯粉 薯粉無論配酸辣湯定麻辣湯都超好食 煙煙韌韌 唯一顧慮係比其他麵類更吸辣 是次我比較節制 叫左BB辣only 食得相對輕鬆
牛肉切開成小塊 我又幾buy下 無咁肉感又易於進食 而且又整得唔韌 比想像中好
配料有芽菜芫茜蔥花 吊下味咁
如果怕辣唔想食串串 可以叫碗麵加小食 至少可以自選辣度 如果怕串串唔夠飽都可以叫碗麵打下底 我個人覺得至少我叫既呢碗係幾好食
口水雞 $38
老牌川菜 價錢唔貴 size唔大 件數就唔少 餐廳當係小食類質素方面有返咁上下 口水雞放入口啜幾啜就吸哂啲肉出黎食 去骨無難度
比起以大取勝 我覺得迷你size更加唔錯 食起黎有幾分入口即熔既錯覺 而且量唔少 整體性價比都叫ok
Post
