大漁屋台 (Closed)

得寶商場裝修後進駐唔少食市，當中日本餐廳就佔一席位。今次經朋友介紹，就去左當中嘅大漁屋台。山葵八爪魚味道香辣惹味，作為前菜相當開胃。碎三文魚蟹肉卷三文魚同三文魚子都新鮮，唔會有腥味。卷物之中加入紫蘇葉，令整體味道更加融合特別。 真鯛薄切$98一碟嘅真鯛魚生，每碟大約有十塊，價錢算幾抵。入口有淡雅嘅鯛魚香味，新鮮唔會腥，附上嘅青檸醬油味道同真鯛都好夾。天婦羅（日本南瓜、日本蕃薯、茄子、金菇、冬菇）天婦羅炸漿唔會過厚，唔會過份油膩，而且調味充足。串燒(牛肝腱肌、雞肝、雞頸肉、雞尾)四種串燒表現都唔錯，牛肝腱肌火喉岩岩好，保持肉汁但外層燒至香口。雞尾串燒都幾特別，適合送酒。滑蛋吉列黑豚丼以人均消費二百幾蚊黎講，大漁屋台算係九龍灣中唔錯嘅選擇。