王家沙 (Closed)

中國菜嚟講，上海菜同川菜都係我嘅最愛😚選擇多，又夠好味😍本身諗住去food court食嘢，不過想坐得舒服啲，所以就嚟咗呢度喇😎黑毛豬扒擔擔麵嘅湯唔錯，少少辣又有花生醬香，面頭有好多花生、肉碎同埋蔥😚麵唔會煮得太淋👍🏻不過個黑毛豬就有啲失色🤷🏻‍♀炸得幾脆，不過肉質比較乾同韌😖松露小籠包個皮夠薄😳放近啲已經聞到松露味😚一咬開勁多汁同埋入面松露味都幾重😆原盅雲吞雞湯嘅湯都幾鮮味😎入面嘅雞肉都幾嫩滑，雲吞夠大粒皮又唔厚👍🏻麻辣口水雞份量都幾多，而且啲肉質又唔會好韌😆同埋食落唔算好辣，而且唔會好油😎所以都值得一試😛