Video
Read full review
2019-09-06
88 views
呢晚收咗工，見悶悶地無嘢做😌 咁啱班同事約食飯，我當然跟大隊啦。班女仔話想食中菜，最後決定去「玉桃軒」。嚟到利舞台20樓，大家已經被場外同大門佈置吸引住，大大嘅水晶吊燈、加圍邊嘅裝飾紗布，啱哂啲新人嚟結婚擺酒🥂 侍應安排我哋坐抵之後第一件事，就梗係叫餸啦！不過大家實在太多意見，最終我都係無話事權😏 班女仔原來都幾刷得，不過又真係食得喎👍🏻👍🏻「片皮鴨」皮脆肉嫩，加上蔥段同青瓜，再夾喺麼麼皮嚟食，口感大滿足；「薑蔥焗蠔」勁大隻，廚師加入大量薑蔥一齊煮，醬汁調配得好好味；「蒸海班」嘅時間拿捏得啱啱好，啱啱熟、肉質唔會太老；「蒜香雞」好香口，仲保留到肉汁、唔會炸到乾晒；「賽螃蟹」份量唔少，蛋白同蟹肉嘅比例剛剛好，有入口即溶嘅感覺。連平時好少出街食中菜嘅我，都覺得呢餐勁滿足。仲要招呼好、食咁多嘢每人都係比兩百幾蚊，真係好抵喎👀
侍應安排我哋坐抵之後第一件事，就梗係叫餸啦！不過大家實在太多意見，最終我都係無話事權😏 班女仔原來都幾刷得，不過又真係食得喎👍🏻👍🏻
「片皮鴨」皮脆肉嫩，加上蔥段同青瓜，再夾喺麼麼皮嚟食，口感大滿足；
「薑蔥焗蠔」勁大隻，廚師加入大量薑蔥一齊煮，醬汁調配得好好味；
「蒸海班」嘅時間拿捏得啱啱好，啱啱熟、肉質唔會太老；
「蒜香雞」好香口，仲保留到肉汁、唔會炸到乾晒；
「賽螃蟹」份量唔少，蛋白同蟹肉嘅比例剛剛好，有入口即溶嘅感覺。
連平時好少出街食中菜嘅我，都覺得呢餐勁滿足。仲要招呼好、食咁多嘢每人都係比兩百幾蚊，真係好抵喎👀
Post
