Video
Read full review
2019-01-12
462 views
今日肥妹仔夜晚去咗尖沙咀金巴利道嘅一間台灣餐廳食台灣菜 ，喺門口見到個餐牌上面選擇都幾多，而且價錢又相宜，就入咗去試。紅燒牛筋腩麵 $63佢嘅牛筋腩分別各有兩舊，牛筋煮到非常軟淋，腩肉亦都唔柴 好入味。麵身係屬於幼身嗰一種，湯底香濃，不錯。滷味拼盤 $48呢一個滷味拼盤分別有鹵水蛋，滷豬大腸同朱耳。總括嚟講味道亦都算唔錯，豬耳爽口，大腸亦都冇異味，滷蛋就普通。好滋味芝士鹽酥雞 $45相信鹽酥雞係間間台灣餐廳都有得食嘅菜式，但係呢一間就有加咗芝士醬喺上面，咁就係另外一種層次啦。佢嘅鹽酥雞炸得非常香脆，雞肉都算嫩滑，炸粉唔會好厚，而佢嘅芝士醬有香濃嘅芝士味，鍾意芝士有一定要試。芝士花枝丸 $39同芝士鹽酥雞一樣，上面加咗芝士醬。花之丸炸到非常香脆，爽口彈牙，加埋芝士醬食好好食。魚酥皮蛋豆腐 $36呢一個皮蛋豆腐不錯，佢嘅豆腐上面放咗半塊皮蛋再加上柴魚片，同埋佢嘅醬汁。雖然係凍食，但係食落去口感非常豐富，正。小碗滷肉飯 $32唔好睇佢個樣好普通，其實都幾好食㗎!佢嘅滷肉肥瘦剛剛好，滷汁夠撈成碗飯食。涼拌小黃瓜 $29呢一個涼拌小黃瓜又係肥妹仔其中一樣覺得最好食嘅嘢，因為佢嘅小黃
紅燒牛筋腩麵 $63
佢嘅牛筋腩分別各有兩舊，牛筋煮到非常軟淋，腩肉亦都唔柴 好入味。麵身係屬於幼身嗰一種，湯底香濃，不錯。
滷味拼盤 $48
呢一個滷味拼盤分別有鹵水蛋，滷豬大腸同朱耳。總括嚟講味道亦都算唔錯，豬耳爽口，大腸亦都冇異味，滷蛋就普通。
好滋味芝士鹽酥雞 $45
相信鹽酥雞係間間台灣餐廳都有得食嘅菜式，但係呢一間就有加咗芝士醬喺上面，咁就係另外一種層次啦。佢嘅鹽酥雞炸得非常香脆，雞肉都算嫩滑，炸粉唔會好厚，而佢嘅芝士醬有香濃嘅芝士味，鍾意芝士有一定要試。
芝士花枝丸 $39
同芝士鹽酥雞一樣，上面加咗芝士醬。花之丸炸到非常香脆，爽口彈牙，加埋芝士醬食好好食。
魚酥皮蛋豆腐 $36
呢一個皮蛋豆腐不錯，佢嘅豆腐上面放咗半塊皮蛋再加上柴魚片，同埋佢嘅醬汁。雖然係凍食，但係食落去口感非常豐富，正。
小碗滷肉飯 $32
唔好睇佢個樣好普通，其實都幾好食㗎!佢嘅滷肉肥瘦剛剛好，滷汁夠撈成碗飯食。
涼拌小黃瓜 $29
呢一個涼拌小黃瓜又係肥妹仔其中一樣覺得最好食嘅嘢，因為佢嘅小黃瓜夠爽夠新鮮，咬落去多汁，簡簡單單已經好好味。
台灣啤酒 $28
桂花烏龍冷泡茶 $16
香芋珍珠奶茶 $18
Post
