札幌拉麵屋 (Closed)

短短一個小時要搵食真係唔容易，路過譚臣道發現依間拉麵店。看看餐牌，除了拉麵還有定食，一於試試。既然佢係拉麵店，拉麵水準一定不錯。眼見多數人點拉麵，因此想試一試其他食品。如果其他食品質素唔錯，就可以再次來試其他款式。午餐餐牌上有不同類型的定食，定食包前菜、白飯、主菜同埋味噌湯。今次點左個炸蠔定食，試一試炸物既水準。落單後，就聽到師父準備炸蠔。個人係喜好炸物，因為炸物要做到外脆內熱，同埋乾身先至係好。今餐個炸蠔就做到依個水準，加埋椰菜絲、薯仔沙律同配埋碗珍珠米飯，真係好滿足。