Video
Read full review
2012-07-03
12 views
夜晚等老豆做完Gym同埋老媽去食飯，忽然間話去食川菜，仲要走到去大佛口咁遠，算~ 的士吧．．．去到目的地，見到個招牌即有好感，簡簡單單感覺良好。8點15-20左右去到，估唔到都仲有咁多人，我諗連埋我地全店大約7-8成坐滿。全店我估計可以坐到35人左右。連埋我地，一檯西人、兩檯香港人、其他全部國語人；good，直覺話我聽今晚呢餐唔會差。過黎之前做左dd Research，即刻點左個毛血旺同埋回窩肉先。毛血旺 - 呢個真係得，就係因為佢搞到我食左兩碗白飯，送飯一流。老實呢個做得唔難食，不過個人認為一黎佢做得冇特別，二黎佢個水準真係好一般。下次唔會再特別叫，但係唔夠肉既話叫黎陪襯下都仲得。老媽叫左2份鍾水餃，可以更新返之前各位既評論：今次係有加蒜蓉，亦有加糖既。我自己雖然鐘意食餃子，不過都係prefer北方個d多d，所以呢個我又係冇乜特別好評。唔記得呢個叫乜雞，基本上同口水雞冇乜分別，辣油+麻醬；雞肉冇味，不過個醬雪得夠凍，同回窩肉一樣：唔駛特別點，但係唔夠肉既可以食。蒜泥白肉 - 呢個反而係一個驚喜，蒜泥應該係炸過既，肥肉片夠薄亦夠滑。毛血旺後另１堆介。老媽醬肉+香腸 - 係牆上面d po
去到目的地，見到個招牌即有好感，簡簡單單感覺良好。8點15-20左右去到，估唔到都仲有咁多人，我諗連埋我地全店大約7-8成坐滿。全店我估計可以坐到35人左右。
連埋我地，一檯西人、兩檯香港人、其他全部國語人；good，直覺話我聽今晚呢餐唔會差。
過黎之前做左dd Research，即刻點左個毛血旺同埋回窩肉先。
毛血旺 - 呢個真係得，就係因為佢搞到我食左兩碗白飯，送飯一流。
老實呢個做得唔難食，不過個人認為一黎佢做得冇特別，二黎佢個水準真係好一般。下次唔會再特別叫，但係唔夠肉既話叫黎陪襯下都仲得。
老媽叫左2份鍾水餃，可以更新返之前各位既評論：今次係有加蒜蓉，亦有加糖既。我自己雖然鐘意食餃子，不過都係prefer北方個d多d，所以呢個我又係冇乜特別好評。
唔記得呢個叫乜雞，基本上同口水雞冇乜分別，辣油+麻醬；雞肉冇味，不過個醬雪得夠凍，同回窩肉一樣：唔駛特別點，但係唔夠肉既可以食。
蒜泥白肉 - 呢個反而係一個驚喜，蒜泥應該係炸過既，肥肉片夠薄亦夠滑。毛血旺後另１堆介。
老媽醬肉+香腸 - 係牆上面d poster見到，叫左個黎試，估唔到又幾得。香腸同我地香港臘腸有d似，醬肉比較好，味濃乾身；呢個雙拼用黎送飯送酒皆宜。
糍粑 - 招牌甜品，不過我一向唔多食甜野，所以食左一條試下算數，冇乜特別，不以置評。最後老媽唔夠仲叫多左碗擔擔麵，同上海菜館食既唔同；一黎冇湯(乾撈麵咁)，二黎媽話好似冇麻醬底．．．
Other Info. :
NB時間：
1.) 冇諗過個位咁隔涉到夜晚都仲咁多人，可以試下打定電話留位。
2.) 3個人食左岩岩過$400，唔叫平，但係都算值。Magazine介紹有得簽卡，不過其實佢地收cash only，所以要留意一下。
3.) 佢地好似有好多乜茶物茶啤酒個d，不過menu冇講+又冇drink menu，如果加返呢part會好d。(ps: 今晚問個waitress個陣佢一輪咀咁講我凈係聽到"茶"同"啤酒"，所以最後都係叫左3杯酸梅湯算。)
(The above review is the personal opinion of a user which does not represent OpenRice's point of view.)
Post
