蜀府川鍋 (Closed)

搬到調景嶺有半年左右，因為每天也會在附近午飯和每星期五也會跟老婆到外面晚飯，所以差不多把調景嶺和將軍澳附近的食市全試過，感覺附近是少了一些大排檔，打冷，雞煲等風味小店，大部份也是連所餐廳，講真的，我不是太鍾意，早兩日又為了星期五的晚飯上網搵野食，剛好比我搵到油塘這間蜀府川鍋，本來是睇中佢的海鮮蒸套餐，所以訂位去試。因為好少去油塘，所以用Google map 帶路，出地鐵行3-4分鐘就到，好易搵到。 入到去無咩人理你，自由搵位，好自在，點餐的哥哥也沒什麼介紹，就是舊式餐廳果隻，愛理不理，不過我唔介意，感覺好親切，海鮮基本上都唔錯，幾好食，阿姐也會話要蒸幾耐，我同老婆也飲了兩支啤酒和加了一份中的肥牛來打邊爐，整體感覺不錯，應該會常常來幫親