一喜食堂 (Closed)

lunch hour 突然想食拉麵，好神心專登揸車去食朋友介紹既一喜食堂。12:20pm 到已經要等位，店內好細，bar 形式坐到10個人左右。我地四個人，店員話如果要一齊坐就有排等，所以分開左坐。睇menu 其實主打豬骨湯底咁，佢地有每日唔同既推介，當日係豚肉撈麵，我食拉麵一心係食個湯底，所以唔考慮撈麵，雖然$65 真係幾抵我揀櫻花蝦海老味噌拉麵，麵質同湯既濃度無得揀，麵底係同一蘭一樣既幼麵，湯底我係有期望有海老味，但只食到味噌味，係夠香夠濃既，不過海老湯底通常有層紅色蝦油係面，呢碗係完全無，所以我都知無海老味。另外塊叉燒係出色既，好滑唔痴牙， 加$12 溏心蛋都煮得岩岩好。餃子都ok, 皮夠薄又juicy. 驚喜係佢地俾樽裝可樂，唔係度度有，正！