拉麵天王 (Closed)

想試下新既拉麵，搜索下，就搵到呢間，於是去試下。我地叫左「黑天王拉麵（黑蒜油味）」、「胡椒芝士拉麵（期間限定）」、「餃子」。「黑天王拉麵（黑蒜油味）」一睇個樣唔似係黑蒜油，你睇下幅相都知，一d黑色都無。碗麵既配料就少左d，只有紫茶、椰菜、木耳條、蔥花、流心蛋等等。湯底唔會太鹹，同埋無咩黑蒜味，不過都ok。而佢既麵就好似油麵個隻麵咁，我比較鍾意呢隻麵，覺得爽。最後，佢既叉燒有少少肥，有d肉味。「胡椒芝士拉麵（期間限定）」一睇個樣就知好芝士，佢係面到加左好多碎條芝士，加埋d熱湯就溶係麵到，不過個效果唔係太好，痴埋d麵到，令到麵唔爽。至於個湯底都好胡椒味。「餃子」就不過不失，不過上到檯就唔係好熱辣辣咁。小結，佢既拉麵都食得過既，不過想多d配料。