銀杏時光

Open Now

Now Closed

今日同朋友一聚，選擇左呢間近近哋地鐵站嘅西餐廳。入面嘅裝橫唔錯，有情調又有一點復古味。感覺幾chill。一人叫咗一個set lunch。除咗一份餐之餘，仲包咗個沙律吧同特飲。價格同一般西餐廳差唔多，不過就會有加一收費。先講沙律吧，有唔同醬汁可選，千島醬、黑醋、檻欖油。啲粟米好甜，但係啲椰菜就有啲啲黑。特飲有洛神花、香茅。仲有一個湯嘅。但係我地太晚去，未試得切，staff就好快手收拾晒。如果大家去，記得早啲去，14:30後就無咗個沙律吧。感覺有啲唔抵。講下個主菜啦，我要左個西冷牛扒。都幾厚，大約有一節手指咁厚。肉質厚實，唔知係咪我問題，個燒汁有啲苦味...個薯蓉好出色，好甘甜。總結一下，個環境唔錯，地址嚟講唔近商場感覺好寧靜。如果想放假chill下可以揀呢間。不過就唔好叫扒食啦，叫意粉嗰啲應該ok。今次就支持下社企，始終經營都唔容易。下次都會再嚟就一係早啲，一係晚啲食個tea。叫啲無咁易伏嘅嘢啦。就係咁！完。