季季紅風味酒家 (Closed)

一大班朋友約聚會真係好難搵地方，尤其想食中餐。有朋友就推介沙田季季紅，話隻米豬好食，所以就試下。原來成隻豬是由餐車推出，侍應會即場剪豬，飯就在豬內面走出來，好新奇。賣相不俗，食落口都好香好好味，唔錯。其他菜式都在中上水準，尤其是龍蝦伊麵既伊麵好食，龍蝦又夠多肉，炸子雞又好嫩滑唔鞋口，干燒伊麵亦比一般飲宴煮得出色，甜品桂花糕又清新好味。而且碟頭大，份量足，十幾人食完個餐仲可以打包。所以這間酒樓值得推介，絕對係一家大細，朋友聚會食中菜既好選擇。