Feast Oyster Bar and Restaurant (Closed)

自己一路都好鍾意去唔同地方度食High Tea，今次特登嚟呢度，主要係因為想試吓由蠔吧整嘅High Tea，我覺得呢個係最大嘅賣點；先唔去評論好食唔好食。整餐食完，埋單果下$700有找，算係可以接受的範圍。餐廳係以一種工業風設計，$298一個下午茶嘅Set，兩杯香檳同埋兩杯咖啡；價錢來講，我都覺得算係OK。英式茶點共三層：第一層係熱食，Medium Well的牛肉漢堡，燒得尚算不錯；但肉汁略嫌不足，建議可以加入例如BBQ source或燒汁豐富口感；煙三文魚魚油豐富，配香檳🍾餘韻無窮；哈密瓜再配上Parma ham，鹹甜交集，取中庸之道，不甜不膩。第二層搭配士多啤梨醬窩夫、馬卡龍同埋朱古力Brownie，Brownie有好豐富濃郁嘅Texture，係其中一個令人回味的糕點；底層有法式焦糖燉蛋、Apple Crumble，都有好濃厚嘅Texture，Apple Crumble有豐富嘅糖漿，內裏有豐富果肉，甜度十足。