十三少酸菜魚 (Closed)

雖然係非常時期，但朋友都係要見嘅。出開來旺角按摩於是就緊緊地去埋大角咀搵個朋友食晚飯。見好耐冇食個酸菜魚就揀咗呢間鋪頭試吓，一埋位佢嘅擺設好搞笑，用咗花生嚟掠筷子。佢呢度唔係好多樣嘢俾你揀，得酸菜魚同埋三款小食，所以我哋就嗌咗一個二人份量嘅酸菜魚，一個黑糖糍粑同埋一個口水雞。酸菜魚個湯唔會好辣，撈飯都唔錯。啲魚片都好滑，最緊要冇骨。估唔到佢呢個價錢已經包左啲萵筍，酸蘿蔔同埋雞髀菇片喺入面，唔錯。依個口水雞都好滑，而且唔會好辣，我覺得幾好食。如果黑糖糍粑都唔錯，佢個黑糖係分開上嘅，唔會浸到林晒，熱辣辣，外脆內軟，最重要係唔會有油溢味。兩個人食到飽飽都只係三百幾蚊，喺香港食酸菜魚來講算係咁。