Video
Read full review
2019-07-27
1181 views
呢日約左朋友喺屯門食野☺️揀左 Girlboss 黎試下💓呢度嘅裝修、擺設同埋餐具🍴都好少女風☺️.我同朋友兩個人叫左一個set加兩杯野飲以下係Bossy Royal set👑（$368）所包含嘅食物🥗沙律：1️⃣三文魚柚子檸檬🍋玻璃杯沙律x2呢個套餐係可以揀兩款沙律，但我同朋友都覺得呢個最吸引所以揀左兩杯都同款💓面頭有起左柳嘅橙肉（即去左衣同皮），可以起到refresh味蕾嘅作用，之後慢慢撈起底嘅三文魚粒粒、柚子檸檬汁同橙肉，連同沙律菜一齊食，每啖都有三文魚油同沙律菜嘅清新互相交替，柚子同檸檬嘅酸味亦提升胃口.🥣前菜：2️⃣德國腸凍肉芝士拼盤呢份拼盤比想像中大份😳有3款唔同嘅腸之餘，仲有煙火腿片加水牛芝士，腸同煙火腿屬濃味食物，個人黎講鍾意配沙律菜食用🥗，可以去一去油膩感，對我黎講呢度唔夠沙律菜🙈而且水牛芝士本身係偏淡味，我會鍾意落鹽、黑椒粉俾少少味佢再加蕃茄食，就咁單獨食佢有啲單調.3️⃣龍蝦🦞芝士雞翼呢個唔係同我想像嘅一樣😂本身以為係將芝士龍蝦釀喺雞翼入面，但原來係芝士碎放喺雞翼面再點龍蝦味嘅醬食🙈個人覺得芝士碎可以用火槍燒下溶下等佢可以痴實隻雞翼，同埋令芝士味香濃啲，龍蝦醬食落都有微微龍蝦湯嘅
揀左 Girlboss 黎試下💓
呢度嘅裝修、擺設同埋餐具🍴
都好少女風☺️
.
我同朋友兩個人叫左一個set加兩杯野飲
以下係Bossy Royal set👑（$368）所包含嘅食物
🥗沙律：
1️⃣三文魚柚子檸檬🍋玻璃杯沙律x2
呢個套餐係可以揀兩款沙律，但我同朋友都覺得呢個最吸引所以揀左兩杯都同款💓面頭有起左柳嘅橙肉（即去左衣同皮），可以起到refresh味蕾嘅作用，之後慢慢撈起底嘅三文魚粒粒、柚子檸檬汁同橙肉，連同沙律菜一齊食，每啖都有三文魚油同沙律菜嘅清新互相交替，柚子同檸檬嘅酸味亦提升胃口
.
🥣前菜：
2️⃣德國腸凍肉芝士拼盤
呢份拼盤比想像中大份😳有3款唔同嘅腸之餘，仲有煙火腿片加水牛芝士，腸同煙火腿屬濃味食物，個人黎講鍾意配沙律菜食用🥗，可以去一去油膩感，對我黎講呢度唔夠沙律菜🙈而且水牛芝士本身係偏淡味，我會鍾意落鹽、黑椒粉俾少少味佢再加蕃茄食，就咁單獨食佢有啲單調
.
3️⃣龍蝦🦞芝士雞翼
呢個唔係同我想像嘅一樣😂本身以為係將芝士龍蝦釀喺雞翼入面，但原來係芝士碎放喺雞翼面再點龍蝦味嘅醬食🙈個人覺得芝士碎可以用火槍燒下溶下等佢可以痴實隻雞翼，同埋令芝士味香濃啲，龍蝦醬食落都有微微龍蝦湯嘅味，雞翼食落都脆，但入面啲肉唔夠Juicy
.
🍽主菜：
4️⃣燒一口安格斯西冷·焗薯球·烤蔬菜·香草法式牛油汁
呢個菜式係我幾滿意嘅一道👍🏻一口西冷嘅牛油味香濃，而且完全冇乸到個質感變奇怪，係有咬口得黎仲保留到足夠肉汁，調味同熟度適中，而鍾意再重口味啲嘅，可以點少少碟旁嘅鹽😋更惹味，配菜之中嘅薯粒都好食，面頭似係有輕輕炸過，外脆內軟
.
🍝意粉/Pizza🍕：
5️⃣Lady煙肉蘑菇忌廉意大利粉配62。C溫泉蛋
有溫泉蛋嘅食物基本上贏左一半🤤再加埋適當嘅調味，呢個粉紅色意粉又靚又好食，口感控制得剛好，而且煙肉嘅油香同蛋漿拌勻撈落意粉，令每啖意粉都好夠味，唔會食到中後期冇曬汁或唔夠味👍🏻讚
.
6️⃣意式龍蝦海鮮薄餅
食左主菜同意粉其實都已經飽左7-8成，所以我地係半夾硬食埋呢個薄餅唔好浪費，幸運嘅係呢個Pizza係thin crust💓唔會真係超飽，食落似食緊餅乾，Topping款式都幾多下，有龍蝦肉、八爪魚🐙、蜆肉等
—————————————————
🍹飲品（散叫）：
Flamingo Kiss（$48）
Pineapple mint tea（$58）
.
整體黎講，呢度嘅食物都算唔錯👍🏻而且選擇都多，如果黎開屯門、元朗、天水圍呢頭行街、唱K、睇戲，都可以黎試下呢個Set呀，好抵食☺️食飽飽繼續去行街🛍
.
.
🎀Girlboss by Master Kama (屯門)
📍屯門屯隆街3號屯門市廣場一期3樓3223-3225號舖
.
.
.
.
#hkfoodie #hkfood #foodie #hkinfluencer #discoverhk #写真 #hkkol #portrait #portraitphotography #コーデ #モデル #おしゃれさんと繋がりたい #写真好きな人と繋がりたい #ありがとう #girlboss #香港美食
#microinfluencer #hkiger #hkgirl #hkgirls #discoverhongkong
Post
