SEDAP惹味馬拉 (Closed)

是日係屯門睇完樓，人生路不熟，行到屯門市廣見到有唔少人等位食野，同老婆兩人就唔執輸排埋一份食馬拉野「惹味馬拉」，晏就時間一人叫咗一個lunch set，order咗以下嘅野：海南雞脾飯雞脾位加10蚊，髀位係滑嘅，但雞咪唔係太夠，個汁一般但都提到雞嘅鮮味嘅，反而佢嘅配菜真係要一讚，佢嘅牙菜係靚貨，肥大短少，應該係怡保牙菜嚟，爽口多汁又清甜，好食，粉葛湯唔太鹹，無乜咪精幾好，油飯正常食味，上面有一啲炸肉鬆增加口感。咖哩吉列豬扒蘭花飯吉列豬扒炸得剛好，有肉汁，其實啲肉近似蒸嘅效果幾好，炸粉有啲厚，但鬆脆嘅，配菜同樣出色,炸銀魚仔鬆脆帶鹹香，花生乾身脆口帶鹹不錯。蘭花飯就其實係香草飯，咬落啖啖帶有花香不錯但其實沒有帶有食味。咖哩就馬拉咖哩帶有強烈椰香味，帶甜嘅，味道非常完整，好吃。拉茶正正常常整體來嚟係好食嘅，但屯門嚟講食個晏人衡87蚊我覺得係貴嘅，但講真佢畀返相對嘅食材你，係值嘅。