Oaoa Pizza House (太吉樓) (Closed)

經過見到有間新開嘅Pizza店，仲有得雙併，忍唔住試下先。選擇都幾多，仲雙併仲可以揀一半辣，一半唔辣。十一點半去到都已經有人買緊。要等半個鐘先有。雖然有啲耐，但保證新鮮出爐。可以預先打電話order。去拎時都見到有幾個係電話落單先過嚟拎。留意一點就係只收現金。可能因為新開未整咭機。服務態度都幾好。不過得收銀一個人，可能有啲手忙腳亂😂。叫咗個大批一半羊（小辣）+一半蘑菇辣肉腸（唔辣）薄批。羊有羊味，都幾充料，羊肉啖啖有，好味，蘑菇辣肉腸都好好味。有送自製醬料，但我本身唔鍾意食醬，所以無試到。呢間我會再幫襯😆😆。