小灶子 (Closed)

尼間隱世小店，開咗只有2個多月，位置並唔當眼，喺舊式小商場嘅內街，搵咗一陣先見到。小店內大約只有10個座位，環境係就係窄左少少，不過尚算乾淨。食物款式唔多，揀左佢地個香蕉朱古力蜂蜜Pancake鐵塔試下推介之選Pancake係薄身嗰種，一共分三層，每層都有切片香蕉同cream。最頂有一球vanilla雪糕，仲有少少粟米片脆脆，淋上蜂蜜同朱古力醬。班㦸一啲都唔乾，鬆軟且內𥚃帶點濕潤感蜂蜜甜度剛剛好，食食吓發現原來仲加咗些少合桃碎，令到層次感豐富咗之餘，合桃嘅味道同蜂蜜pancake又幾夾喎！整體味道都好滿意個人覺得若果班㦸可以厚身啲同落多少少朱古力醬就更合我心意啦！