越色生香 (Closed)

叫了香茅豬扒金邊粉。 上枱時先喝一少啖湯試試。湯底夠熱﹐值得加分﹐因好多越式湯粉既湯底唔夠熱﹐另整碗湯粉質素大大降底。而呢度湯底亦較其他越南餐廳清﹐冇一種濃濃既牛肉味。香茅豬扒金邊粉 - 金邊粉較黏口﹐不似出便所食到的那麼滑身。香茅豬扒係全瘦肉﹐唔肥﹐味道清清﹐幾好。清清淡淡既一碗越南河粉可能滿足不了嗜濃味既朋友﹐但本人覺得這清淡加埋九層塔同芫茜既味道配合得很好。