客家好棧 (Closed)

週末同家人飲茶，唔太清楚附近邊間酒樓好食，就揀咗呢間客家好棧。而家越嚟越少酒樓有酥炸魷魚鬚食。呢度炸粉夠薄，大大條魷魚鬚香脆好味道，好滿足😛。抄手份量多夠惹味，好快俾人清晒。三色腸皮薄料足，口味夠晒滑。杏仁糊夠晒濃又唔太甜，令人一口接一口。蔬菜金菇炆伊麵有好多蔬菜，算係粉麵入面嘅健康之選。唯獨係蝦餃差少少，有口感，冇鮮味☹️。價錢方面都算經濟，星期六中午五個人食咗$400左右，仲有得打包👍🏻👍🏻👍🏻。