荳子 (馬鞍山廣場) (Closed)

近來因為疫情關係少左出街食飯，見到外賣自取有折即刻試下先。外賣等候時間好短，我用OpenRice Apps落單，由佢接單到可取餐中間只係用咗7分鐘。上星期六行過見好多人等，仲諗住紅日要等下，點知係屋企未出門口就已經收到update 可以取餐了。黑松露軟殼蟹意粉味道清d, 汁比較creamy, 軟殼蟹我媽媽用假牙都食晒成隻。我就覺得蟹有少少淋左，可能係因為外賣拎返來焗耐左，相信堂食會好d.黑蒜蜆肉帆立貝白酒意大利粉味道就濃d, 汁既質地冇咁厚，媽媽反而覺得呢個好食過軟殼蟹意粉，可能係老人家味覺退化有少少影響。