龍麵館 (Closed)

今日媽咪生日，知道佢鐘意食中菜就係OpenRice search 左呢間龍麵館打左去book 枱 一去到就已經見到龍麵館大大隻三個字，佢同平時啲酒樓門面好唔同，有小小中西混合嘅感覺，幾得意wo主要都係黑色為主，門口有條金黃色嘅舞獅，好輝煌啊覺得見佢menu 上都有好多特色嘅菜式，我地叫左個片皮鴨，龍蝦蘿蔔穌同埋叫左個桂花炒素翅 隻填鴨十分大隻，一黎到就已經覺得好香，佢切法係三吃，就係鴨肉、鴨皮及連皮鴨肉，佢仲有好多醬料同配菜，鴨皮就配黃糖食，鴨肉就配蒜蓉食，連皮鴨肉就配其他配料用momo皮包住食，真係好正，好脆，肉汁好鮮，好食!!仲有一個桂花炒素翅，佢係係隔離即場炒，睇落好足料，有肉粒，葱，芽菜，蟹肉等等，食落感覺好爽口又好乾身，仲有鹹蛋黃幾惹味估唔到又幾好食龍蝦蘿蔔穌個樣好靚，勁colorful，個皮係好鬆化，唔會話好油，好香口。蘿蔔配龍蝦呢個配搭第一次食，都幾特別，仍然有少少鮮味。後來我地追加左甜品, 除左雪糕之外, 我地仲點左一個千葉豆腐花.好靚啊, 一絲一絲既豆腐絲, 形態好似一朵花. 幾軟滑味道清甜, 唔會太過火. 媽咪今次都好滿意，仲話下次叫埋婆婆黎食，不錯喲❤