飯Hub (Closed)

是咁的，由於工作關係到平常嘅放飯時間出面都已經冇乜位可以堂食，所以就同同事一齊試依間外賣飯盒。首先依間鋪頭又幾方便可以電話落單，無需要到現場先可以落單，慳返唔少時間。咁我就叫左巴東牛肉飯，去該鋪飯盒已經準備好，拎到返公司都仲係暖笠笠，而且飯盒份量都唔少。飯盒間隔同埋資料幾好，雖然係紙盒但唔會俾啲汁整到軟晒爛晒。講返飯盒味道，巴東牛肉本身味道唔錯送飯都無問題，而且白飯上面仲加左飯素，但對我嚟講就有啲咸，而隻糖心蛋值得一讚。