君悅咖啡廳

Open Now

Now Closed

7月下旬嘅staycation第二天早上就係君悅咖啡廳，享受一個環球自助早餐。雖然未能坐近窗口位置，不過窗外亦無特別景色，只係比較光猛一啲。周圍亦都整潔乾淨，而且服務態度非常好，好有禮貌。先嚟試試包點，感覺新鮮但欠溫暖，印象一般，牛角包不錯除咗牛角包外，眼見現場比較受歡迎竟然係蝦餃燒賣，所以都趁有剩，就攞嚟試吓，果然好味，唔怪之得咁搶手。望見側邊有其他點心，順便試試，亦覺得好味，似乎在咖啡廳嘅中式點心竟然係一個驚喜。由於我喜歡食冷麵，所以又試吓，不過就比較平平無奇。不過附近有不同嘅果汁值得一提係上湯雲吞，湯底及雲吞十分出息。早餐又會有星洲炒米，真係食晏少少都可以當埋午餐食，不過，佢又真係好好食。甜品我就欣賞自家製乳酪，有益又健康。除以上點提個幾樣，其他都有常見嘅自助早餐食品，例如，腸仔、奄列、沙律、煙肉等，在種類方面都算多，早餐一樣食一件都一定夠飽。