Cafe Paradise (杏花邨) (Closed)

陪朋友去左杏花邨商場行街，行到餓餓地就揀左一間西餐廳坐低休息食野。我地揀左當天的set lunch，包餐湯同埋飲品。.餐湯既質地比較稀一啲，入面無咩配料，味道普通無咩特別。是日特飲喺檸檬梳打，味道有啲似某牌子的檸檬味汽水。✨蘆筍海蝦炒意粉海蝦有三隻，肉質爽口彈牙，已經去除了外殼所以易於食用。意粉入面伴有細碎既蘆筍粒同埋生洋蔥，個人覺得蘆筍嘅份量太少而且切得太碎，建議整條上碟會比較好睇啲。另外意粉的份量都偏少，女仔剛剛好但男仔可能會覺得唔夠食。另外見到碗碟比較殘舊，碟邊都有些藏了污跡的缺口，令人感覺不太乾淨企理。