麥當勞

Open Now

Now Closed

環境4分：正常麥當勞格局，好光猛，入口處多咗個度體溫位，十一點鐘冇乜人排隊，收銀處同取食物處望落原來都好乾淨通爽，可以畀四分。衛生4分：衛生算正常麥當勞水平，落左單由食物部預備食物，紙盒同紙袋都乾乾淨淨，可以畀四分。服務5分： 收銀員同食物區嘅服務員都十分之好招呼，落單爽手又好禮貌，畀硬滿分！味道1分：1)     麥樂雞個皮唔脆，Ｄ肉又乾又嚡，真係唔好食。2)     魚柳包個魚柳就正正常常，不過個麵包又乾又硬，似係隔夜麵包。3)     包薯條都係好乾好硬，一D都唔脆，好聽D可以話佢一早炸定等人多時派，唔好聽D講就似係賣剩貨，炸左好耐都冇人買，堅差。抵食-2分：以前D開心樂園餐呢就平D細份D，但就有件玩具送，而家D開心樂園餐呢就一樣咁細份，少左野揀，仲唔好食，貴左咪即係玩具唔係送，今期玩抽minion，冇可能抵，一定要負佢分。