Video
Read full review
2020-10-14
239 views
喺尖沙咀一帶番工，野食選擇都算多，之前都有經過呢間mamaday，但往往係無book位所以無機會試，適逢呢排疫情期間，人流算少番就終於嚟左食。跟同事一行二人黎食lunch，入到餐廳，店入面既裝修相當有心意，感覺似去左party room/樓上cafe，店內亦擺放左唔同種類既擺設，令入嚟既食客都會想拎起相機周圍影下。另外不得不提就係呢到既野食名，店主都好有心思咁將大部分既食品都改左個有趣得黎而帶點令人點餐時尷尬既名，我哋叫左個「點解個個都叫軟殼蟹比薩架」，即係軟殼蟹pizza。雖然名稱上帶點玩味，但係賣相認真，而蟹既份量都好足夠，原隻軟殼蟹係pizza既中間，至於餅底係屬於薄pie，食落都鬆脆，軟殼蟹同濃濃既芝士都十分配合。另外我哋都叫左個「求其是旦乜都炸啲啦」，我幾鍾意個名，裡面包括有炸蝦、炸魷魚圈、炸洋蔥圈、炸魚同埋炸薯條，名副其實地乜都有啲。兩人食既話份量夠哂多，炸物既炸粉夠薄同炸物夠熱，再配上大大碟既茄汁同沙律醬，相當惹味。而餐野方面都唔遜色，雖然嘢飲嘅名就冇嘢食咁有玩味，但係就勝在夠晒精緻。我哋叫咗一杯青檸蜂蜜梳打同埋凍mocha，首先係杯梳打，賣相夠文青作狀的我，上碟嘅時候係
喺尖沙咀一帶番工，野食選擇都算多，之前都有經過呢間mamaday，但往往係無book位所以無機會試，適逢呢排疫情期間，人流算少番就終於嚟左食。
跟同事一行二人黎食lunch，入到餐廳，店入面既裝修相當有心意，感覺似去左party room/樓上cafe，店內亦擺放左唔同種類既擺設，令入嚟既食客都會想拎起相機周圍影下。
點解個個都叫軟殼蟹比薩架
3 views
0 likes
0 comments
另外不得不提就係呢到既野食名，店主都好有心思咁將大部分既食品都改左個有趣得黎而帶點令人點餐時尷尬既名，我哋叫左個「點解個個都叫軟殼蟹比薩架」，即係軟殼蟹pizza。雖然名稱上帶點玩味，但係賣相認真，而蟹既份量都好足夠，原隻軟殼蟹係pizza既中間，至於餅底係屬於薄pie，食落都鬆脆，軟殼蟹同濃濃既芝士都十分配合。
另外我哋都叫左個「求其是旦乜都炸啲啦」，我幾鍾意個名，裡面包括有炸蝦、炸魷魚圈、炸洋蔥圈、炸魚同埋炸薯條，名副其實地乜都有啲。兩人食既話份量夠哂多，炸物既炸粉夠薄同炸物夠熱，再配上大大碟既茄汁同沙律醬，相當惹味。
而餐野方面都唔遜色，雖然嘢飲嘅名就冇嘢食咁有玩味，但係就勝在夠晒精緻。我哋叫咗一杯青檸蜂蜜梳打同埋凍mocha，首先係杯梳打，賣相夠文青作狀的我，上碟嘅時候係將蜂蜜同埋梳打分開，再比客人自己倒入去蜂蜜攪勻，味道飲起嚟清新夠fresh，適合一啲鍾意唔太甜嘅食客，同炸物食起來十分搭配；另外mocha飲起嚟味道雖然唔算特別驚喜，但賣相睇起嚟都很漂亮。
雖然我同朋友唔算叫咗好多嘢食，但因為每碟嘅份量都好充裕，都令我哋食得十分滿足。而以同區來講價錢雖然算唔係特別平，但以環境、味道同質素來講都非常值得，係適合同朋友嚟好好咁嘆晚餐嘅好地方。
Post
