餃子屋

Open Now

Now Closed

事先上網睇咗食評，已經知道間嘢環境唔係特別好，座位好細又逼，啲阿姐態度真係麻麻地，想落單嘅話都要等15分鐘先至幫你落，之後等餃子都等咗成20分鐘，湯餃叫咗兩款，另外仲叫咗煎餃，總括嚟講餃子都麻麻哋，煎餃太油，唔覺得特別新鮮，湯餃嘅湯都超級一般，唔係老火湯應該係現成湯包，類似濃湯寶啲friend，食食吓仲有隻小強喺張枱嗰度出現，隻小強喺張枱爬來爬去之後仲爬咗去筷子嗰度行嚟行去，所有筷子都係冇嘢冚住，開放式咁俾小強爬，其實呢間嘢都幾污糟吓，你見牆側邊就知，啲油漬成寸口，一定唔會再去！