拉麵太郎 (Closed)

成日係咁食，食足成個農歷年，想食返d 亞洲菜，但又唔想大魚大肉又雞咁樣。行到灣仔度見到呢間拉麵店靜靜地就去試試！ 本來朋友見無乜人都擔心（果陣夜晚六點半左右）但坐低後，其實都好多人入黎食。 只不過係人地食得快走左啫。一入到去，店員就會拎水俾我地。雖然唔係茶。但全程佢地成日幫我地添加睇完餐牌，其實係無乜選擇，有炸雞，有牛，最重要既係叉燒。我地叫左叉燒拉麵，基本上係配木耳，酸薑。有温泉蛋同無温泉蛋既選擇。我地㨂左温泉蛋。呢度成隻上無切開，唔好睇佢無乜色，咬開果陣係會食到淡淡既豉油味。同埋雞蛋係輕輕咁流出黎。狀態非常之好 ，叉燒半肥瘦，食落唔油膩，而且豉油味唔重我地再加左配料粟米同埋海帶，成個拉麵即刻豐富左！我地食食下仲見到，原來拉麵係可以加底既。不過呢個份量我地兩個都好足夠。我地都有加小食，薯餅。 成舊都係薯蓉咁樣。中間有小小磨菇。只係好小份量。食完飽晒。