陳儀興牛什粉麵 (鴻祥大廈)

Open Now

Now Closed

放半天假出咗旺角逛逛，好耐冇食過牛什粉麵，剛回港朋友提議食潮州粉麵，旺角《陳儀興牛什粉麵》位於煙廠街鴻祥大廈地下。好彩早少少嚟到，門口都有人等位。招牌八寶河~八款唔同嘅丸，魚蛋角、魚丸、貢丸、墨丸、豬肉丸、蝦條、八爪魚丸及魚皮餃，爽口彈牙，河粉軟滑美味。叫咗個限量供應嘅沙瓜(傘肚)河~食落有少少似豬肚，其實係牛肚嘅其中一個部位，爽口一啲都唔韌，夠淋一咬就開，味道更勝豬肚。$20跟餐油菜或炸魚皮及飲品，生菜/菜心/通菜~通菜夠嫩綠。炸魚皮~香口爽脆，十分香口。冷熱飲品一樣價錢，加$2試咗個事頭婆涼茶，五花茶~味道唔會太甜，自家製有益涼茶，不錯呢。粉麵店仲有港式蛋卷，朋友買咗盒試試，牛油味蛋味夠，香脆可口。