會長之家烤肉

Open Now

Now Closed

因為開係屋企附近見平時都幾多人食，所以諗住去試下，點知就中大伏了。專登提前book左6:30，但因為有啲嘢所以遲咗去，打電話通知店員會遲少少到，但俾店員告知就算七點到都要八點交枱，咁就以為全場好full，但發現去到仲有一兩張吉枱。跟住坐低叫咗個招牌牛油熟成豬五花肉，但全舊都係肥膏，一啲瘦肉都見唔到，就好似一嚿豬油咁，然後同一名戴眼鏡男店員講，佢話舊舊都差唔多，同圖片不符兼態度惡劣。最後問佢可以點樣解決，因為真係食唔到肥肉，店員話可以退咗佢，然後夾走啲肉嗰陣態度超級「西」，並且十分粗魯，將啲熱油彈到周圍都係，但好彩無整到我。只可以講絕對冇可能食第二次，食左一肚氣，同埋啲肉質量一般，服務態度堪稱惡劣，奉勸各位唔想受氣就唔好嚟食呢間啦。