Video
Read full review
2024-12-15
975 views
呢間居酒屋已經係我嘅check list入邊好耐了，之前係睇threads， 成日見到有人推介，話佢個牛舌係世一，一直都好想試，今次朋友話想食日本嘢，就過咗嚟食。首先，一入到悄悄食堂，大家都覺得個氣氛好正，有種去咗日本嘅感覺，我哋都專登等咗陣，為咗坐榻榻米位。😂之後店員都會過嚟同我哋介紹個Menu，見個Menu都有心，會定時出啲期間限定，又會有Crossover Menu，有啲嘢食要提早訂定。食物方面，🌟牛舌： 呢個係重頭戲，牛舌厚得來中間仲係好粉嫩，表層燒到有啲焦香，係幾好食，不過未去到世一 （其他居酒屋有食過我認為更加好食嘅）🌟沙白：大隻鮮甜，連啲湯都可以飲埋，不錯不錯。🌟燒飯團： 外面燒到好香口，裏面包住蛋黃，簡單但又好好食嘅一款嘢食，必嗌！🌟柚子燒茄子：呢樣係全晚最驚艷嘅嘢食，茄子上面放咗層柚子去燒，有少少焦糖嘅感覺，估唔到柚子同茄子嘅味道咁夾，呢樣係我會想再食嘅嘢食！🌟炸雞： 炸雞就普普通通，都算大份同入邊都keep到啲肉汁，但未去到好好食。🌟燒和牛：好嫩滑又好Juicy，勁有肉汁，feel到係個口入邊爆出嚟，係略嫌價錢有啲貴，要三百幾蚊一份🥺🌟吞拿魚炊飯：正正常常，食完已經
首先，一入到悄悄食堂，大家都覺得個氣氛好正，有種去咗日本嘅感覺，我哋都專登等咗陣，為咗坐榻榻米位。😂
之後店員都會過嚟同我哋介紹個Menu，見個Menu都有心，會定時出啲期間限定，又會有Crossover Menu，有啲嘢食要提早訂定。
食物方面，
🌟牛舌： 呢個係重頭戲，牛舌厚得來中間仲係好粉嫩，表層燒到有啲焦香，係幾好食，不過未去到世一 （其他居酒屋有食過我認為更加好食嘅）
59 views
0 likes
0 comments
🌟沙白：大隻鮮甜，連啲湯都可以飲埋，不錯不錯。
60 views
0 likes
0 comments
🌟燒飯團： 外面燒到好香口，裏面包住蛋黃，簡單但又好好食嘅一款嘢食，必嗌！
31 views
0 likes
0 comments
🌟柚子燒茄子：呢樣係全晚最驚艷嘅嘢食，茄子上面放咗層柚子去燒，有少少焦糖嘅感覺，估唔到柚子同茄子嘅味道咁夾，呢樣係我會想再食嘅嘢食！
45 views
0 likes
0 comments
🌟炸雞： 炸雞就普普通通，都算大份同入邊都keep到啲肉汁，但未去到好好食。
32 views
0 likes
0 comments
🌟燒和牛：好嫩滑又好Juicy，勁有肉汁，feel到係個口入邊爆出嚟，係略嫌價錢有啲貴，要三百幾蚊一份🥺
72 views
0 likes
0 comments
🌟吞拿魚炊飯：正正常常，食完已經冇咩印象🤣
12 views
0 likes
0 comments
🌟抹茶撻： 口感豐富，抹茶味道好濃，見佢好似係同啲甜品舖合作，不過70幾蚊都好細件，唔係幾抵😶🌫️
30 views
0 likes
0 comments
總括而言，悄悄食堂價錢係貴咗啲，普通一杯酒都要百幾蚊，但整體評分都高，如果同朋友嚟相聚，的確係氣氛好嘢食唔錯嘅好地方！🌟🥰
Post
