素年 (黃埔天地百寶坊)

Open Now

Now Closed

食肉獸表示，正餐食素嘅次數真係5隻手指數得晒，而「素年」係我唯一會重刷嘅素食餐廳💚 我今次點咗佢哋嘅招牌菜「不可能肉醬意大利粉」🍝同「素年經典不可能芝士漢堡」🍔，亦點咗「凍伯爵茶咖啡」同「熱榛子燕麥奶咖啡」☕️整體黎講，食物質素好高，絕對係香港素食者天堂😋😋😋🍝不可能肉醬意大利粉意粉煮得彈牙，配上香濃嘅不可能肉醬，味道豐富，好似食緊真係肉醬嘅意大利粉咁！！！真係唔知佢點做到咁真🙏🏻 冇誇張但佢真係我食過最好味嘅肉醬意大利粉🥹🤤🍔素年經典不可能芝士漢堡漢堡包非常鬆軟，質感一流。漢堡內嘅不可能肉排煎得恰到好處，外脆內軟，同樣唔知點做得到，但真係整到好香口😋 芝士嘅味道香濃而不膩，搭配鮮脆嘅生菜，層次感十足，原來素食都可以咁好味！！😋❤️☕️凍伯爵茶咖啡似係好特別嘅組合，但伯爵茶同咖啡嘅香氣交織一齊，帶出獨特嘅風味🤤🥜熱榛子燕麥奶咖啡榛子嘅香氣好吸引，燕麥奶嘅濃郁口感帶來一絲甜蜜。咖啡帶嚟嘅醇厚味道同香氣，配合得恰到好處！總括而言，「素年」嘅食物好！高！質！無論係唔係素食者，素年都係一個值得去嘅餐廳，必試無誤！