District 8 (ELEMENTS圓方)

Open Now

Now Closed

呢間法國菜係圓方頂層，但絕對係小資法國菜，又有景，係呢度食飯好chill好舒服。我地叫齊海鮮，魚同牛。魚就係西班牙鯖魚，慢煮茴香，番紅花，青口汁😆個名咁長上枱都見到係特別嘅，煎魚好大舊，係好新鮮嘅魚，煎出嚟都唔會啲魚肉散晒，而魚皮夠脆，好出色😚另外青口汁係真係用青口同埋茴香番紅花去煮出嚟，青口亦都會放喺碟度，青口好新鮮，成個汁好香，點埋啲魚落去食好鮮😋海鮮我地就叫佐白酒會青口，大蒜，歐芹，烤法國長麵包🤓又係一個好長嘅菜式名，青口有好大盆，本身好新鮮，所以有海水味，用白酒去會嘅青口亦都好入味，每一隻都食到白酒味😗再加埋大蒜歐芹依啲香料，好香，而法國長麵包係佢哋自家製既，烤出嚟好脆，好好食🤪牛就係呢個牛腹肉牛扒，一個簡單嘅菜名，但係味道絕不簡單😎牛肉係好靚嘅牛肉，煎出嚟啱啱熟，勁重牛味，而且夠晒腍身😙再加埋牛扒上面一舊沾滿香草嘅牛油，可以查落炸薯仔同埋牛扒上面食，邪惡得黎好好味😛喺依度再嗌埋一杯手工啤就仲正，好冰凍好好飲！