Video
Read full review
2024-01-07
102 views
又想食韓式炸雞，即刻諗起李家。因為我哋4:30去到，唔係繁忙時間所以可以揀位坐。我哋坐咗喺卡座。店內燈光柔和，播住K-Pop，好有韓feel.酸蘿蔔（贈送）：蘿蔔粒爽口，冇苦味。酸度適中，好開胃。沙律椰菜絲（贈送）：椰菜絲切得好幼，新鮮爽脆。有骨半半炸雞（原味+甜辣味）：炸粉好薄，外層炸得鬆脆。肉質嫩滑多汁。原味就食到雞味多啲。而甜辣味，就啱晒重口味嘅人，醬汁充滿韓國風味。我就鍾意原味多啲，而朋友就鍾意甜辣味。所以真係人人口味唔同，但呢個半半炸雞就滿足晒我哋兩個嘅願望。鐵板燒牛仔骨：食物上枱嘅時候咋咋聲，冒曬白煙，即刻胃口大開。牛仔骨經過醃製，甜甜鹹鹹的。牛肉嘅部份好易咬開，到貼近骨位置嘅部份既筋位就好有咬口，一件肉有兩種口感。辛辣麵：時間控制得好，唔會好林，有咬口。入邊仲有一隻同麵一齊煮熟嘅蛋。配埋香蔥同泡菜，再加埋用鐵煲原個上，夠晒韓式風味。韓國罐裝飲品-菠蘿汁及橘子汁：兩款都係甜甜酸酸，好啱食咗咁多肉嘅我哋。
又想食韓式炸雞，即刻諗起李家。
因為我哋4:30去到，唔係繁忙時間所以可以揀位坐。我哋坐咗喺卡座。店內燈光柔和，播住K-Pop，好有韓feel.
酸蘿蔔（贈送）：蘿蔔粒爽口，冇苦味。酸度適中，好開胃。
沙律椰菜絲（贈送）：椰菜絲切得好幼，新鮮爽脆。
有骨半半炸雞（原味+甜辣味）：炸粉好薄，外層炸得鬆脆。肉質嫩滑多汁。原味就食到雞味多啲。而甜辣味，就啱晒重口味嘅人，醬汁充滿韓國風味。我就鍾意原味多啲，而朋友就鍾意甜辣味。所以真係人人口味唔同，但呢個半半炸雞就滿足晒我哋兩個嘅願望。
鐵板燒牛仔骨：食物上枱嘅時候咋咋聲，冒曬白煙，即刻胃口大開。牛仔骨經過醃製，甜甜鹹鹹的。牛肉嘅部份好易咬開，到貼近骨位置嘅部份既筋位就好有咬口，一件肉有兩種口感。
辛辣麵：時間控制得好，唔會好林，有咬口。入邊仲有一隻同麵一齊煮熟嘅蛋。配埋香蔥同泡菜，再加埋用鐵煲原個上，夠晒韓式風味。
韓國罐裝飲品-菠蘿汁及橘子汁：兩款都係甜甜酸酸，好啱食咗咁多肉嘅我哋。
Post
