人間世茶會館 (Closed)

今日嚟到觀塘探朋友，諗住搵個地方chill下傾下計食個下午茶，所以就搵咗上嚟呢度！之後已經見有人介紹過話甜品好出色，一心諗住嚟試下。當日去到係下晝三點，cafe方面下午三點至六點只會serve甜品同茶，要食主菜嘅話記得留意下呀！本身嚟係想食佢個巧克力茶壺同黑芝麻慕絲，不過去已經得返四款甜品，唔知係咪咁搶手。 四款甜品中得焙茶芝士蛋糕同柚子芝士蛋糕較為吸引所以我同朋友就決定叫呢兩樣嚟食啦！另外，因為餐廳有每人低消$80嘅規定所以我地再嗌多兩壺茶(普洱同埋玫瑰)，反正一定會食到膩。茶方面，我覺得普通，冇乜特別，可能貴啲個會好啲？蛋糕反而真係正！食到好重嘅焙茶味！不過略嫌上面啲士多啤梨酸，未能做到中和嘅效果。呢款柚子芝士蛋糕都好出色！入口係一啖啖柚子乾同清香！ 食一件都唔會好濟！下次可以encore!順帶一提，呢度環境勁清幽，我去同日全場得我同朋友係度 傾計一流！