荷華庭園景餐廳 (Closed)

- 荷華庭園景餐廳 Lotus Courtyard Restaurant 自己本身住沙田區，放工都會周圍去食吓嘢！今次選擇咗大埔嘅林村🌳🌲，除咗過嚟呢邊有許願樹之外，原來都仲有一間世外桃源餐廳！佢有戶外嘅位置！出面好靚💕💕但係可惜我去嗰日落雨🥹🥹- 檸檬蜜糖單骨雞翼 🐥$98一份雞翼有10支，喺出面食嗰啲單骨雞翼都好細隻，但係呢度嗰啲好大隻😍😍揸得好酥脆，出面又有檸檬蜜糖🍯，檸檬平衡咗炸嘢嘅油膩感！- 芝士焗大蝦配香草蕃茄醬意粉 $228 一上到嚟嗰隻蝦成個樣好靚，上面佈滿芝士同埋蒜蓉，超級香！💕💕隻蝦🦐都彈牙！側邊仲有香草蕃茄意粉，好大份！另外仲有少少菜，等你食完可以清下個口😍- 燒安格斯牛柳拼法國鵝肝 $498首先食咗個法國鵝肝，入口即溶💕💕充滿鵝既油脂香氣！牛柳我就叫咗5成熟，切開裏面仲係粉紅色，出面燶燶哋有焦香嘅味道👅好好味😋！另外配菜嘅薯蓉，好香薯仔味好滑！- 疏乎厘 $114/2個我哋揀咗兩個原味，完美可以食得出去佢嘅蛋味好香，然後咬落去好有空氣感，疏乎厘入口即溶💕💕😍😍呢個甜品，輕盈得來又好食！