合十 (Closed)

合十收工諗住同同事食飯，於是搵間喺公司附近嘅餐廳食，朋友介紹我食呢間，但係我之前未食過，所以就決定嚟試吓。一去到間餐廳實在令我太驚訝，因為原先以為剩係得門口嗰幾張枱，點知原來入到去之後簡直係世外桃源，勁有泰國風嘅一間餐廳，不過要提一提大家，因為始終係outdoor, 所以冇冷氣㗎，不過大家放心，因為每張枱之間幾乎都有一把大風扇，食嘅時候都唔會覺得太熱！60度溫泉蛋卡邦尼意粉身為芝士迷嘅我，表示對呢碟意粉非常滿意，因為面頭佈滿全部芝士粉，配上蛋汁，散佈喺每條意粉上，簡直冇得頂呀！巨型豬扒跟薯菜以為個名有咩咁特別，點知原來真係超級巨型，而且均勻煎晒兩面，油脂分布亦都好均勻，仲要配上自家製嘅醬汁，食到我哋舔舔脷！香葉煙肉黃金蠔炸到超鬆脆，而且估唔到煙肉會同蠔咁夾，呢個小食一流，配上啤酒，簡直不得了！