西湖餐廳

Open Now

Now Closed

答應左班新朋友去魚排燒野食玩水，預埋我無緊要，試試大家合唔合得黎啦。約係西湖等，完全唔識路，搭的士最好。原來什麼都未買，食完早餐先一齊去買，有點亂，約人同安排都係，豪無計劃架喎。琴晚我都飲到好爆呀，朝早先瞓，但估唔到我係第一個到囉，哈哈。兩位阿姐又慣鬼左叫我做依樣做嗰樣，no 喇，我又唔係搞手，您要打電話、要去接人、要去買野、買早餐外賣，自己搞掂去啦！仲未有團友到，咁我叫野食先喇！間茶餐廳都幾旺喎，裡面坐滿晒，唯有坐門口啦。服務都幾差喎，無人招乎無人理，想落 order 就剩係叫我等等，仲要黑面無笑容，等了又等。等落單等到呆左，等等下，正副兩位搞手都到喇，剛好一齊叫野食囉，原來佢地係熟客，終於落到單喇 ﹗我應該唔會有下次架喇。太陽蛋腸仔雞扒出前一丁，豬仔包？sorry 呀，我唔知道早餐會跟包呢，我唔食架，有點浪費，都無計啦。嘩 ﹗連餐具都無，又要問侍應攞，仲要油淋淋，救命呀 ﹗太陽蛋腸仔雞扒出前一丁，HKD39 蚊早餐加凍飲，果然係遊客區喎，一頸血 ﹗仲送左皮生菜我添，西貢菜又幾爽甜架喎，好好味，多謝。最好食咪生菜同隻蛋囉，太陽蛋煎到有少少甘黃香口好多又熱好多，正呀 ﹗但係個麵就煮到腍