Video
Read full review
2024-08-20
553 views
都唔記得有幾多年冇嚟長浜No.1，當年門面同裝修好似都舊派啲，而家就現代少少咁，同佢哋嘅餐牌、麵食一樣......上次嚟長浜No.1係冇乜嘢好揀，豬⻣湯拉麵就豬骨湯拉麵，佢個餐牌基本上就係多隻蛋少隻蛋，多塊叉少塊叉咁上下，簡陋，但我好buy。而家多咗啲花臣，有味噌湯底、煮干、冷拉麵、素食版......其實又唔係變咗好多，至少唔係又雞白又蝦湯咁，但就睇落「多元」啲。在我角度，呢種係「世故咗」、「妥協」嘅表現，以長浜No.1嘅超班豬骨湯頭，其實唔使搞呢啲嘢，但江流如此，唔追少少潮流就未必吸都新客。可歎也。掙扎咗幾秒點唔點煮干，最後決定先重溫豬骨湯面嘅味道。湯嘅底色冇變，偏啡嘅白豬骨湯，油脂掛晒碗，聞說此乃「長浜系」signature。但睇起來冇以前咁有「黏稠感」，飲落都真係冇咁鹹，又係我所謂嘅「妥協」吧？但其實噉係適合本地人口味嘅，濃鹹、黏口嘅湯唔係個個香港人接受到。最後都係飲晒。麵就繼續幼而爽彈，我揀「硬」，覺得啱啱好，食到最後一啖仍然冇過腍。叉燒，我印象中唔係長浜no.1強項，不過久別重逢又覺得幾好食，幾嫩，冇油膩感。味玉就繼續一般般，本來就知佢呢樣唔係好突出，但今次唔知搞乜兩邊蛋都沉
上次嚟長浜No.1係冇乜嘢好揀，豬⻣湯拉麵就豬骨湯拉麵，佢個餐牌基本上就係多隻蛋少隻蛋，多塊叉少塊叉咁上下，簡陋，但我好buy。而家多咗啲花臣，有味噌湯底、煮干、冷拉麵、素食版......其實又唔係變咗好多，至少唔係又雞白又蝦湯咁，但就睇落「多元」啲。
在我角度，呢種係「世故咗」、「妥協」嘅表現，以長浜No.1嘅超班豬骨湯頭，其實唔使搞呢啲嘢，但江流如此，唔追少少潮流就未必吸都新客。可歎也。
掙扎咗幾秒點唔點煮干，最後決定先重溫豬骨湯面嘅味道。湯嘅底色冇變，偏啡嘅白豬骨湯，油脂掛晒碗，聞說此乃「長浜系」signature。但睇起來冇以前咁有「黏稠感」，飲落都真係冇咁鹹，又係我所謂嘅「妥協」吧？但其實噉係適合本地人口味嘅，濃鹹、黏口嘅湯唔係個個香港人接受到。最後都係飲晒。麵就繼續幼而爽彈，我揀「硬」，覺得啱啱好，食到最後一啖仍然冇過腍。叉燒，我印象中唔係長浜no.1強項，不過久別重逢又覺得幾好食，幾嫩，冇油膩感。味玉就繼續一般般，本來就知佢呢樣唔係好突出，但今次唔知搞乜兩邊蛋都沉晒落湯裏面，觀感真係麻麻。配菜多咗碟辣芽菜，少少辣，味道調得唔錯。
總體而言，長浜No.1仍然係我喺香港食過數一數二好嘅豬⻣拉麵，應該仲會再嚟，下次有多個伴我就會試下煮干拉麵同小食，睇人哋食評話有牛舌，有興趣。
到我埋單的一刻，全店都得兩個客人，真係市道唔好，希望長浜No.1頂得住。臨走見到一位日本先生走出店面，有點熟口面，可能就係多年經營嘅店長，低調敬業依然。
Post
