圓苑

Open Now

Now Closed

屋企人介紹山林苑圓苑，話飲茶嚟過唔錯。今晚就試下小菜啦！餐前小食係橋頭，而家越來越少見！酸酸爽爽好開胃。蜜汁叉燒皇上台賣相好靚，又暖！色水好好，又有蜜汁加持，掂！叉燒肉好厚實，完全無豬蘇味，不錯不錯！鮮蘆筍黑木耳炒鮮淮山仲有三色椒！鮮淮山係爽口類別，唔係粉粉地個隻。炒菜就比較爽身！鮮蘆筍嫩嫩唔老，幾好既素菜！黑椒茨仔安格斯牛柳粒黑椒茨仔走過油再加黑椒非常香口野味！安格斯牛柳粒好牛味重！再加少少蔥頭炒，風味爆燈！食埋紅豆沙飽哂！紅豆煲到好粉，甜左少少，但都接受到既。再加反陳皮甘甘地~