To-Gather Cafe (Closed)

今日約埋幾個朋友一齊出去食飯兼睇波，朋友同我講有間樓上Cafe唔錯又可以睇波，咁就一於去試吓先😝，我哋六點半去到已經有幾台客人喺度，入到去環境舒適，服務員亦都非常親切，正當大家諗緊食咩嗰陣時，我見到佢其中一個餐牌有party-set,經過大家商量一致決定叫黎試吓✌🏻，我哋叫咗$158一位既set,其實佢一個set入邊有好多嘢食，1）田園沙律跟日式芝麻醬，沙律菜好新鮮，唔錯，2）小食拼盤，吉列炸蝦，蒜香雞翼，咖喱角，粟米墨魚餅，豬頸肉，蜜汁雞肉串，芝士薯條同埋芝士焗蔬菜😱，真係好多好多😂😂，全部都炸到脆卜卜，好味👍🏻3）卡邦尼煙肉扭扭粉，味道唔錯，唔會太膩，4）黑松露海鮮意大利飯，呢個略嫌唔係好夠黑松露味，5）飲品方面叫咗蜂蜜綠茶同埋荔枝紅茶，因為係set嘅關係,所以係兩大瓶, 味道不太差，不會太甜，其實成個set嘅食物真係份量好多，唔使驚食唔飽👍🏻整體來講，可以一試