Video
Read full review
2022-08-08
2176 views
有人問過我，邊間餐廳食過100次依然想再去，我可以無須考慮，即刻同你講，一定係大班樓。由大班樓開業食到此時此刻，菜色驚喜不絕，由奪星到步上世界50強 ，證明了與時並進的心態，是進步的源動力。不單止今年榮獲世界50強的24位，加上限聚下，每檯不過8人，更加是一位難求，所以對上一次遇上10號風球，依然是全院滿座，無人甩底。今次飯局源於幾個月前，餐廳慘遭判罸14日內只能營業至6點，店方從善如流，把booking推遲至8月，已是逼於無奈。畢竟已光顧多年，寫菜單是駕輕就熟，當然全是自己想食的。九層塔甜醋醃漬小番茄Cherry Tomatoes Pickled in Basil Reduction清涼冰凍，酸酸甜甜好開胃，最啱近日熱熱地天氣。廿年鹹檸檬金銀蒜蒸蟶子Razor Clam Steamed with Aged Lemon andGarlic又係個人必食菜色之一，鹹檸檬份量啱啱好，吊出了鮮味，而蟶子用料新鮮，咬落爽甜，尤其是置面的粉絲蘸滿了香氣，非常惹味。叉燒煎蛋飯Steamed Rice with Fatty Char Siu and FriedEgg叉燒鬆軟有嚼口，而且蜜味適中，加上半
有人問過我，邊間餐廳食過100次依然想再去，我可以無須考慮，即刻同你講，一定係大班樓。由大班樓開業食到此時此刻，菜色驚喜不絕，由奪星到步上世界50強 ，證明了與時並進的心態，是進步的源動力。
不單止今年榮獲世界50強的24位，加上限聚下，每檯不過8人，更加是一位難求，所以對上一次遇上10號風球，依然是全院滿座，無人甩底。今次飯局源於幾個月前，餐廳慘遭判罸14日內只能營業至6點，店方從善如流，把booking推遲至8月，已是逼於無奈。
畢竟已光顧多年，寫菜單是駕輕就熟，當然全是自己想食的。
九層塔甜醋醃漬小番茄Cherry Tomatoes Pickled in Basil Reduction
清涼冰凍，酸酸甜甜好開胃，最啱近日熱熱地天氣。
廿年鹹檸檬金銀蒜蒸蟶子Razor Clam Steamed with Aged Lemon and
Garlic
又係個人必食菜色之一，鹹檸檬份量啱啱好，吊出了鮮味，而蟶子用料新鮮，咬落爽甜，尤其是置面的粉絲蘸滿了香氣，非常惹味。
叉燒煎蛋飯Steamed Rice with Fatty Char Siu and Fried
Egg
叉燒鬆軟有嚼口，而且蜜味適中，加上半熟雞蛋仲要燶邊，食之時戳破蛋黃，混和飯粒，好味到癲。
金錢蟹肉香菇盒Deep Fried Crab Meat and Mushrooms
Dumplings
雖然邪惡，但外層炸至脆卜卜，內裡的蟹肉又重手，配酒一流。
麻辣雞雜臭豆腐窩Fermented Bean Curd and Chicken Gizzard
with Szechuan Chili Port
原先版本應該係羊雜，點知有一次羊雜沽清，轉上油份更香的雞雜，自是另一番風味，最可惜係欠了雞紅。
臭豆腐同榴槤一樣，並非個個受得了，但自己就好鍾意食，所以但凡跟我去大班樓食飯，對唔住，必定有呢道菜，尤其是臭豆腐加入了馬碲、芫荽及肉末，口感更佳，想重口味一點？得，來一杯炸臭豆腐，直接抽擊你的味蕾，包保滿足到你。
蟛蜞膏魚米湯煮琵琶蝦Slippers Lobsters Poached in Rice Broth and
Shrimp Oil
蟛蜞其實係細細隻河蟹，只有拇指大小，三兩肉都無，更何況係蟹膏？
最初版本係蟛蜞膏配冬瓜及柚皮，食落口感較清新，但魚米湯鮮甜滑溜，而琵琶蝦以slow cook 處理，質感爽滑，嫩到一個點，置底放上少許波菜，軟稔可口，可以說是大班樓眾多獨有的菜色之一。
雞油花雕蒸大花蟹配陳村粉Steamed Fresh Flowery Crab with Aged Shao
Xing Wine, & Flat Rice Noodles
話係大班樓超級名物相信無人有異議，大花蟹係越來越貴，所以有得食好食，加上蜆汁分兩次蒸，熟度恰到好處，雞油、蜆汁及花雕的結合，真是天衣無縫，而滑溜的陳村粉蘸滿了蟹汁，又係令人食過不停，但自己反而建議另加碗白飯撈汁，因為大班樓白飯係搵專人調配比例，有雞油及花雕的加持，又係好食到無朋友。
剁椒龍躉頭配水餃Steamed Grouper Head Steamed with
Fermented Chili and Lard (with Dumplings)
同行 J 強烈要求的菜色，龍躉頭刻意碎上，因為魚味會更突出，刴椒是一貫大班樓的風格，全是homemade，甜辣度玩得出神入化，隨心所欲，辣之中又惹味，配以中式水餃又真係別出心裁，心諗單係個刴椒汁又係可以撈碟麵。
梅菜蒸菜心Steamed Seasonal Vegetables with Pickled
Chinese Vegetables
重口味之後，當然係菜蔬時間，菜心事先將頭尾位削去，只留中段最嫩綠的位置，入口清甜。
櫻花蝦蟹肉糯米飯Crab Meat and Sakura Shrimps Sticky Rice
單尾是櫻女蝦蟹肉糯米飯，蟹肉是下得重手，而櫻花蝦的香氣不單止錦上添花，更令糯米飯更添嚼口，煙煙韌韌的口感實在太正啦！
甜品三味
Desserts Trio
本身是杏仁茶、綠豆餅及凍糕，但在坐女士想食杞子雪糕，於是將凍糕改為雪糕。
雪白的杏仁茶依然是芳香馥郁，甜度合宜；綠豆糕甜美可口，坊間又少機會食到，至於杞子雪糕，當然係大家心目中最佳壓軸甜品。就算在疫情放緩下，大班樓依然是一位難求，下一次再食，又不知要等幾多個月。
Post
