越南老街

Open Now

Now Closed

去親筲箕灣如果搵食成日都係去東大街個邊，遇著假期真係等位都有排⋯⋯⋯今日就試吓唔去個邊，向西灣河方向搵食。原來係南安街有間新開唔係好耐嘅街坊越南菜小店，門面同裝修都好舒服又唔使同人迫，下午茶餐又幾吸引所以就即刻入咗去試試！餐廳以越南菜式為主，同朋友兩個因為未食Lunch，所以叫咗一個撈檬同兩個下午茶😆😆😆🐷燒豬扒撈檬燒豬扒好厚身，燒得好香仲會有少燶邊。檬粉唔會太冧而且我好欣賞佢個撈檬汁，唔似出面好水汪汪，睇得出佢用料足，味道都好豐富同夠香辣🥰🥰另外兩個係下午茶餐，煙三文魚蛋沙律配法式蒜蓉包+香茅雞中翼配炸薯條🍟煙三文魚蛋沙律配上蒜蓉包嘅組合超夾！沙律清新配上蒜蓉包嘅濃香脆，呢個下午茶正👍🏻香茅雞中翼配炸薯條不過不失，係我愛嘅粗薯條，雞中翼亦入味香脆，都很不錯哦！