八沢 (筲箕灣東大街)

Open Now

Now Closed

呢間八沢係我好少有真心中意同覺得價錢同質量相符的一間日本食店，性價比高，我本身一向不喜歡成一百蚊碗拉麵烏冬，覺得又唔抵湯一般又好鹹，我衷心推介八沢。八沢有拉麵、烏冬、飯、燒物等，好多選擇，我自己已來八沢好多次，最喜歡的是野菜什菌烏冬，$64一碗，適合素食者，有椰菜、紫色椰菜、金菇、同兩粒超好味的鮮菇，我一般不是菇類愛好者，但呢兩粒菇正正是我最like呢個烏冬的原因之一。湯底好味夠濃又不會像一般麵店的湯咁鹹，最緊要係夠多菜，有是象徵式得幾條菜。這個價錢與好多拉麵店比，簡直又抵又好味。最近推出的清酒雞肉竹笙烏冬$108，以這個價錢其實物有所值，因為好多料，除有足夠份量的竹笙和好多雞肉外，仲有圓肉 (乾龍眼肉)、杞子、雲耳，所有餸的量都好足，湯又濃味，好好飲，感覺是藥饍般又無藥材味，值回票價。侍應好有禮貌，每枱都有杯同水可以自己斟，平日只開晚市，星期六日及公眾假期才開午市。值得推介，希望能有更多顧客讓他們繼續做下去。